堅持我手寫我口，睇唔明？咪睇lor
八十後是誰
八十後係這陣子由高鐵事件帶出o既話題，連特首都話要多d去理解
關於八十後o既理解，先有曾俊華o既網誌
「...對一些第四代港人來說，他們最關注的可能是物業會所有甚麼設施、泳池有多大、私隱度是否足夠等等」
後有報紙雜誌多方位o即報導。咁八十後其實有乜特質？好多人將香港係80年代出世o既我呢班人理解成外國所講o既Y世代，又有人將我地理成內地o既80後世代。（但就係唔見有人將我地同台灣o既7年級生作比較）但係我覺得呢d理解唔係太準確，太generalize，皆因我成o既成長環境好唔同
我地呢班人同Y-er﹠內地o既80後成長經歷好唔同。我地班人細過經歷移民潮，97前d同學一個走完又一個，就算唔係一家人走d父母都send d 仔女去留學。留係香港o既（或回流o既）就見証往回歸，我重記得個晚一路睇住回歸晚會一路食月餅，陳太個晚宣誓話效忠香港特別神經區，逗我地笑左一晚（Fine, 俾我講可能都係講成咁）之後老董o既八萬五加亞洲金融風暴，搞到香港走入多年o既recession。雖然我地唔係直接受影响，但係個場風暴相信影响左好多八十後o既屋企，shape 左我地o既人生觀。
講我地o既成長經歷當然要然要講下沙士同雞瘟，我重記得沙士期間下午o既時間銅記一個人都冇。我個陣考緊會考，考試個陣要帶住口罩考，加上試場冇冷氣，超辛苦。不個記憶深刻o既都係董太o既衛生防護盔甲，同有綫新聞台o既 live death count。
呢d集體o既危機經歷加強左我地對呢個地方o既感情，加強左香港人o既身份認同。上一人代o既「香港人」o既認同限於相對內地黎講經濟supremacy, 呢個意識可以反影於90年代初／中港產片對內地人o既取笑，一但香港o既經濟優勢不再，佢地就失去左香港人o既認同。我地呢一代o既認同係建築係我地呢班人少年時期o既經歷，unique to HK o既經歷，就算我地o既經濟優勢不再，就算我地日後變作中國一個普通城市，我地呢代人唔會give up 我地香港人o既認同。
其實重有好多野想寫，例如我認為呢排八十後積極社運活動，在工作不感希望等現象等都可以同我地d成長經歷解釋到，不過下次再寫。
